Şahin Mustafayev Mher Qriqoryanla sərhəddə görüşüb
12.07.2023 17:35
2023-cü il 12 iyunda Azərbaycan baş nazirinin müavini Şahin Mustafayev və Ermənistanın baş nazirinin müavini Mher Qriqoryan Ermənistan Respublikası ilə Azərbaycan Respublikası arasındakı sərhəddə görüşüb. Bu barədə Ermənistan mətbuatı məlumat verib.
Bildirilib ki, tərəflər Ermənistan Respublikası və Azərbaycan Respublikasının rəhbərləri səviyyəsində müxtəlif formatlarda əldə edilmiş razılaşmaları nəzərə alaraq delimitasiya məsələlərinin müzakirəsini davam etdirib, bir sıra təşkilati və prosedur məsələləri nəzərdən keçiriblər.
Tərəflər, həmçinin komissiyaların növbəti iclasının tarixini və yerini işçi qaydada müəyyən etmək barədə razılığa gəliblər.
Azərbaycan və Ermənistan arasında keçirilən bu görüş sayca dördüncü görüşdür.
Azərbaycan Nazirlər Kabinetinin Mətbuat xidməti baş nazirlərin görüşünü təsdiqləyib.
Gülnar Nazimqızı
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
