Avto-icbari sığorta üzrə son bir ilin müraciətlərinin sayı açıqlanıb
17.07.2023 11:51
Mərkəzi Banka son bir il ərzində avto-icbari sığorta üzrə 1872 şikayət olunub. Bunu Sosial Tədqiqatlar Mərkəzinin sədri Zahid Oruc deyib.
O bildirib ki, bu müraciətlərin 1261 ədədi qanunvericiliyə uyğun olaraq tam və ya qismən təmin edilib, 536 ədədi üzrə isə qanunvericiliyin tələbləri vətəndaşlara izah edilib.
"Mərkəzi Bankda bir qayda olaraq şikayətlər operativ idarəetməyə götürülür, sığorta istehlakçıların hüquqlarının qorunması üçün müvafiq tədbirlər görülür. Bu dövrdə sığorta sahəsi üzrə daxil olmuş şikayətlər əsasında Mərkəzi Bank tərəfindən maliyyə xidmətləri istehlakçılarının pozulmuş hüquqlarının təmin edilməsi məqsədilə sığortaçılara 107 sayda icrası məcburi göstərişlər verilib, sığortalılara 724 min manat sığorta ödənişinin həyata keçirilməsi təmin edilib. Göründüyü kimi, müxtəlif maliyyə və qeyri-maliyyə təşkilatları tərəfindən ölkənin sığorta bazarının mütəmadi tədqiqi ənənəsi yaranardı. Halbuki " şikayət indeksi” yalnız Mərkəzi Banka edilən rəsmi müraciətlərin əsasında aparılmamalıdır", - Zahid Oruc "Sığorta mübahisələrinin uğurlu həll yolları" mövzusunda Elmi-Praktik Konfransda bildirib.
Konfransada iştirak edən Mərkəzi Bankın baş direktoru Ziya Əliyev vurğulayıb ki, ilin sonuna kimi ölkə üzrə sığorta haqlarının məbləğinin 1,2-1,3 milyard manat olacağını proqnozlaşdırır.
Gülnar Nazimqızı
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
