MİQ imtahanında 1 testdə səhv aşkarlanıb, namizədlərin balı artırılıb

Təhsil İnstitutunun İnsan Resursları Mərkəzindən bildirilib ki, 14 iyul tarixində Azərbaycan dili və ədəbiyyat fənni üzrə müəllimlərin işə qəbulu üzrə test imtahanı keçirilib. Namizədlərin apellyasiya müraciətlərinə əsasən, suallar ekspertlər tərəfindən yenidən yoxlanılıb və 29-cu test tapşırığında səhv olduğu aşkarlanıb.

Əlavə olaraq qeyd edilib ki, 17 iyulda edilən apellyasiya müraciətləri iyulun 21-dək emal olunacaq: 
"Bildiririk ki, Azərbaycan dili və ədəbiyyat fənni üzrə imtahan bir seans keçirilib və namizədlərə eyni məzmunda test tapşırıqları təqdim olunub”.

www.anews.az