Qaxda yol qəzası baş verib, xəsarət alanlar var

Qax rayonunda yol-nəqliyyat hadisəsi baş verib.

"Report"un məlumatına görə, hadisə Qax-Zaqatala avtomobil yolunun Güllük kəndi ərazisindən keçən hissəsində qeydə alınıb.

Hərəkətdə olan "Honda", "Hyundai" və "VAZ-2106" markalı avtomobillərin toqquşması nəticəsində bir neçə nəfər ağır xəsarət alıb.Yaralılar Qax Rayon Mərkəzi Xəstəxanasına yerləşdiriliblər.

Hadisə yerinə polis əməkdaşları cəlb olunublar.