"Real" "Qalatasaray"ın futbolçusunu istəyir

"Real" (Madrid) klubu mövsümün sonunda transfer etmək istədiyi növbəti futbolçunun adını açıqlayıb.

Qol.Az-ın "Marca" qəzetinə istinadən verdiyi məlumata görə, Madrid təmsilçisi "Qalatasaray"ın müdafiəçisi Aleks Tellesə "elçi" düşüb.

"Real"ın baş məşqçisi Karlo Ançelotti Tellesi əsas heyətdən kənarda qalan Fabio Koentraonun əvəzləyicisi kimi görür. "Kral klubu"nun braziliyalı futbolçunun keçidi üçün İstanbul təmsilçisinə 20 milyon avro təklif etməyə hazır olduğu bildirilir. Tellesin mövsümün sonunda "Real"a getmək istədiyi iddia olunur.

Qeyd edək ki, 21 yaşlı futbolçu qış transfer pəncərəsi dönəmində "Qremio"dan "Qalatasaray"a keçib. 

ANN.Az