Azərbaycan Basketbol Liqası: XIV turda daha iki oyun keçiriləcək

Azərbaycan Basketbol Liqasında XIV turun daha iki oyunu bu gün baş tutacaq.

Günün ilk qarşılaşması Qubada keçiriləcək. Yerli “Quba” komandası “Lənkəran”ı Quba Olimpiya Kompleksində qəbul edəcək. Matç saat 15:00-da başlayacaq.

Günün ikinci oyununda “Sərhədçi” komandası “Naxçıvan”la üz-üzə gələcək. Qarşılaşma “Sərhədçi” İdman Mərkəzində, saat 20:00-da start götürəcək.

Turnir cədvəli:

“Naxçıvan” B qrupunda 23 xalla 2-ci pillədə qərarlaşıb.

“Quba”, “Lənkəran” və “Sərhədçi” komandaları 17 xalla 4–6-cı yerləri bölüşdürür.