ƏDV-nin qaytarılması mexanizmi çərçivəsində əhaliyə 87 milyon manat qaytarılıb
09.08.2023 23:04
Azərbaycanda 2023-cü ilin yanvar-iyulunda "ƏDV hissəsinin qaytarılması mexanizmi” çərçivəsində əhaliyə 86,7 milyon manat geri qaytarılıb. Bu barədə Dövlət Vergi Xidməti məlumat verib.
"Bu ilin yanvar-iyulunda portalda qeydiyyatdan keçmiş istehlakçılara "ƏDV-nin qaytarılması” layihəsinin həyata keçirildiyi vaxtdan 2023-cü il avqustun 1-dək 86,7 milyon manat vəsait qaytarılıb. Layihənin reallaşdırıldığı gündən indyədək isə qaytarılan vəsaitin həcmi 448,2 milyon manat olub", - məlumatda qeyd olunub.
Bu günədək www.edvgerial.az portalında 2,3 milyona yaxın istifadəçi satın alınan mallara görə ödənilmiş ƏDV-nin bir hissəsinin qaytarılması üçün qeydiyyatdan keçib.
2020-ci ilin martında Azərbaycan Prezidenti İlham Əliyev "ƏDV-nin bir hissəsinin qaytarılması mexanizmi”ni təsdiqləyib. Mexanizmə əsasən, Azərbaycan vətəndaşları ticarət və ya iaşə obyektlərində ödəniş edərkən ƏDV-nin bir hissəsini 30 gün ərzində ala bilərlər.
Mexanizmə əsasən, ƏDV-nin qaytarılması xidmətindən istifadə etmək istəyənlər xüsusi portalda qeydiyyatdan keçməlidirlər. İstehlakçı satın alarkən satıcıdan nəzarət-kassa aparatının çekini və terminal nəzarət-kassa aparatına qoşulmadıqda POS terminaldan çıxarışı tələb etməlidir.
Ticarət və ya iaşə obyektlərində hesablaşmalar üzrə ƏDV-nin qismən qaytarılması nağd ödənişlər üzrə ƏDV-nin 5%-nin, nağdsız ödənişlər üzrə ƏDV-nin 17,5%-nin qaytarılmasını nəzərdə tutur.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
