ASCO-nun tankerləri 6 ayda nə qədər yük daşıyıb?-AÇIQLAMA
11.08.2023 10:59
2023-cü ilin yanvar-iyununda "Azərbaycan Xəzər Dəniz Gəmiçiliyi" QSC-nin (ASCO) tankerləri ilə 2,5 milyon ton yük daşınıb. Bu barədə ASCO məlumat yayıb.
Hesabat dövründə bərə və Ro-Pax tipli gəmilərlə daşınan vaqonların sayı 16 903 ədəd, avtonəqliyyat vasitələrinin sayı isə 15 611 ədəd olub.
Azərbaycan Xəzər Dəniz Gəmiçiliyi 2023-cü ilin martında Qazaxıstanın Xəzər dənizindən Aktau-Bakı marşrutu ilə Kaşaqan yatağından 6,9 min ton neftin ilk partiyasını göndərdiyini bildirib.
ASCO-nun universal quru yük gəmiləri ilə isə 422 min ton yük nəql edib.
Bu il yanvarın 1-nə ASCO-nun aktivləri 1 335,416 milyon manat olub ki, bu da 1 il əvvələ nisbətən 3,4 % çoxdur. Hesabat dövründə səhmdar cəmiyyətinin öhdəlikləri 20,3 % azalaraq 161,726 milyon manata düşüb, balans kapitalı isə 7,9 % artaraq 1 173,69 milyon manata çatıb.
"Azərbaycan Xəzər Dəniz Gəmiçiliyi” QSC (ASCO) 2022-ci ili 65,441 milyon manat xalis mənfəətlə başa vurub
ASCO 2014-cü ildə yaradılıb. Onun nizamnamə kapitalı 440,051 milyon manatdır. Şirkət 100 % dövlətə məxsusdur.
Aytac Zeynalova
www.anews.az
Oxşar xəbərlər
Oxşar xəbərlər
Foto 
Video 
