Azərbaycan Bolqarıstana qaz ixracını 3 dəfə artırıb
16.08.2023 19:01
2023-cü ilin yanvar-iyununda Azərbaycandan gömrükdə bəyan edilmiş qaz həcmlərinin ixracı 10 milyard 956 milyon 188,04 min kubmetr təşkil edib ki, bu da 2022-ci ilin ilk 6 ayı ilə müqayisədə 3,6% azdır. Bu barədə Dövlət Gömrük Komitəsi məlumat verib.
Azərbaycandan bəyan edilmiş qazın ixracından daxilolmalar 8 milyard 29 milyon 188,03 min dollar (artım 7,9%) təşkil edib.
Hesabat dövründə qaz təchizatı Azərbaycanın ümumi ixracının 44,69%-ni (2022-ci ilin yanvar-iyun aylarında 40,26%) təşkil edib.
Komitənin məlumatına görə, 2023-cü ilin birinci yarısında bəyan edilmiş qaz ixracının ən böyük həcmi İtaliya (40,5%) və Türkiyənin (36,3%) payına düşüb.
İtaliyaya qaz ixracı bu ilin 6 ayında 4,4 milyard kubmetr, Bolqarıstana isə 4,5 milyard kubmetr təşkil edib ki, bu da 2022-ci ilin yanvar-iyunu ilə müqayisədə uyğun olaraq 2% az və 2,9 dəfə çoxdur.
Türkiyəyə isə Azərbaycan yanvar-iyunda 3,9 milyard kubmetr qaz ixrac edib ki, bu da ötən ilin uyğun dövründən 7,1% azdır.
N.Təbrizli
www.anews.az
Foto 
Video 
