İstehlakçılara qaytarılan vəsaitin həcmi artırılıb

7 ay ərzində vətəndaşların 4109 müraciətinə baxılıb, onlardan 1463-ü təmin edilib. Ötən ilin müvafiq dövrü ilə müqayisədə müraciətlərin sayı 21,9 faiz, təmin edilmiş müraciətlərin sayı 9,8 faiz artıb.

Ümumilikdə 216 878 manat məbləğində vəsait vətəndaşlara qaytarılıb, o cümlədən 36 501 manat məbləğində dəymiş ziyan ödənilib.

Xidmətdən həmçinin bildirilib ki, vətəndaşların müraciətləri əsasında 8 fiziki şəxs barəsində cərimə tətbiq edilib, 38 hüquqi şəxs barəsində (tərtib edilmiş protokollar və toplanmış materiallar əsasında) müraciətlər isə ədliyyə orqanlarına göndərilib.