Rusiyada ketçup bahalaşa bilər

Payızda Rusiyada ketçupun qiyməti  tomat pastasının tədarükü ilə bağlı problemlər səbəbindən 10% arta bilər. Bu barədə Baza Telegram kanalı istehsalçıların top-menecerlərinə istinadən məlumat yayıb.

Nəşr yazır ki, sanksiyalara əsasən Avropada tomat pastası almaq mümkün deyil. Bu məhsulu istehsal edən Rusiya müəssisələrinin imkanları kifayət deyil və yeni sənaye sahələrinin yaradılması pomidorun konsentrasiyası və ondan pasta alınmasının mürəkkəb texnoloji prosesi ilə çətinləşir.

Bu baxımdan, yerli ketçup istehsalçıları Rusiya rublunun ucuzlaşması səbəbindən tomat pastasını Türkiyə və Çindən idxal etməyə məcburdurlar. Bu, payızda ketçupun qiymətinin təxminən 10% bahalaşmasının səbəbi olacaq.

Bu yaxınlarda bildirildi ki, Rusiyada digər məşhur məhsulların da bahalaşması mümkündür. Xüsusilə, mayonez istehsalçıları əsas komponentlərin - yumurta və bitki yağının bahalaşması fonunda maya dəyərini 5-12 faiz artırmağı planlaşdırır.

Gülnar 

www.anews.az