Macarıstan Azərbaycanla 1 mlrd kubmet qaz alınmasına dair razılığa gəlib

Szijarto qeyd edib ki, Macarıstan Azərbaycanla uzun müddətdir əməkdaşlıq qurur.

"Bizim müqaviləmiz var, ona əsasən 2023-cü ilin dördüncü rübündə Azərbaycandan 100 milyon kubmetr qaz alacağıq.  Bundan əlavə, satınalmaların təxminən 1 milyard kubmetrlik müqaviləyə qədər artacağına dair aydın siyasi razılaşma da var idi”, -  nazir vurğulayıb.

Azərbaycanın SOCAR və Macarıstanın MVM CEEnergy şirkəti bu ilin iyununda 2023-cü ildə Macarıstana Azərbaycan qazının (100 milyon kubmetr) tədarükünə dair dördüncü rübdə başlayacaq müqavilə imzalayıb.

Bundan əvvəl Szijarto Macarıstanın Azərbaycandan hər il 2 milyard kubmetrə qədər qaz almaq istədiyini açıqlamışdı.