Nazim Bəydəmirli 13-14 nəfərin olduğu kamerada saxlanılır

Onun sözlərinə görə,  məhkəmə qərarı hələ də ailəyə təqdim edilməyib və Penitensiar Xidmətin elektron sistemində görünməyib.

"Nazim saxlanma şəraitindən razı deyil. Onunla kamerada 13-14 nəfər var”, – Fəridə Bəydəmirli bildirib.

Penitensiar xidmət  Nazim Bəydəmirlinin saxlanma şəraiti ilə bağlı açıqlama verməsə də ailəsi ilə görüşlərinin mümkün olduğunu bildirib. 

 

"Ailə üzvləri onunla görüşəbilər", - penitensiar xidmətin ictimaiyyətlə əlaqələr şöbəsindən bildirilib.  

Avqustun 23-də Nazim Bəydəmirlinin qayınatası, Bakı Dövlət Universitetinin kafedra müdiri, professor Rüfət Rüstəmov prezident İlham Əliyevə açıq məktubla müraciət edib.

O qeyd edir ki, Nazim Bəydəmirlinin vətəndaş mövqeyini ifadə etdiyinə görə təqib olunduğuna inanır.

 

"Siz özünüz də dəfələrlə vətəndaşları vacib məsələlərə münasibət bildirməyə çağırmısınız”, -  professor yazıb.

Bu zaman söhbət Gədəbəy rayonunun Söyüdlü kəndindəki qızıl mədənində baş verən ekoloji pozuntulardan gedir.

Rüfət Rüstəm dövlət başçısından xahiş edir ki, Bəydəmirli işini şəxsi nəzarətinə götürsün.

Bu arada "Line of Defense” hüquq müdafiə təşkilatının icraçı direktoru Rüfət Səfərov bildirib ki, Nazim Bəydəmirliyə qarşı ittihamın "siyasi çalarları olmasına şübhə etmir”.

"Sirr deyil ki, keçmiş deputat sosial şəbəkələrdə və mətbuatda Söyüdlü kəndinin ekoloji problemlərini gündəmə gətirib, aidiyyəti dövlət qurumlarının qanunsuz hərəkətlərini və ya fəaliyyətsizliyini tənqid edib. O, kənd sakinlərinə etiraz edəndə ilk dəfə səsini ucaldan ziyalılardan olub.

Məhz bu məmurlar dövlət başçısını yerli sakinlərin etirazlarının təşkilatçısının Bəydəmirli olduğuna inandırıb.

İyulun 5-də Nərimanov Rayon Məhkəməsində hakim Vüsal Qurbanovun sədrliyi ilə keçirilən prosesdə Nazim Bəydəmirli barəsində 4 ay müddətinə həbs qətimkan tədbiri seçilib. O, Cinayət Məcəlləsinin 182.2.4-cü (hədə-qorxu ilə tələb etmə) maddəsi ilə ittiham olunub.

Daxili İşlər Nazirliyinin mətbuat xidmətindən verilən məlumata görə, B.Bəydəmirli müəyyən vətəndaşın ərizəsi əsasında saxlanılıb, onun sözlərinə görə, Nazim Bəydəmirli onu gözdən salan şəkillər yayacağı ilə hədələyərək ondan 50 min manat pul tələb edib.