ABB-nin Visa premial kartları ilə övladlarınızı Disneyləndə səyahətə aparın!

ABB uzunmüddətli tərəfdaşı Visa ilə birgə müştərilər üçün gözəl bir fürsət yaradıb. Disneyin 100 yaşı münasibətilə yalnız ABB müştərilərinə özəl lotereya kampaniyasına start verilib. Kampaniya Kaliforniyaya, Laplandiyaya və Londona ailəvi səyahət fürsəti qazandırır.

Bankın bütün Visa premial kart sahibləri bu fürsətdən faydalana bilərlər. Bunun üçün 20 sentyabra qədər ödənişləri ABB-nin Visa Platinum, Visa Signature və Visa Infinite debet/kredit kartları ilə aparmaq lazımdır. Şərtlərə görə, həmin kartlarla 100 AZN (USD, EUR, GBP) məbləğində nağdsız ödəniş edən  hər kəs 1 uduş şansı qazanacaq.

Lotereya bir tirajdan ibarətdir. Uduş oktyabrın 10-da ABB-in Baş ofisində keçiriləcək. Tirajın oynanılması Bankın rəsmi Facebook səhifəsində canlı yayımlanacaq. Qaliblər xüsusi proqram təminatının köməyi ilə, təsadüfi üsulla seçiləcəklər.

 

Lotereyanın 3 qalibi olacaq. Onlar bu hədiyyələri qazanacaqlar:

1-ci yer – Kaliforniya paketi (aviabiletlər, transfer, dördulduzlu oteldə 8 gecəlik yerləşmə, gündəlik qidalanma, özəl serfinq dərsi, müxtəlif turlara, teatrlara pulsuz biletlər, səyahət sığortası)

2-ci yer – Laplandiya paketi (aviabiletlər, transfer, dördulduzlu oteldə 5 gecəlik yerləşmə, gündəlik qidalanma, müxtəlif turlara, atraksionlara biletlər, səyahət sığortası, səyahət sənədlərinin hazırlanmasına dəstək)

3-cü yer – London paketi (aviabiletlər, dördulduzlu oteldə 5 gecəlik yerləşmə, gündəlik qidalanma, makaron hazırlanması master-klası, London səyahət kartı, səyahət sığortası, səyahət sənədlərinin hazırlanmasına dəstək)

Hədiyyə paketlərinin hər biri 2 böyük və 16 yaşdan aşağı 2 uşaq olmaqla 4 nəfər üçün nəzərdə tutulub.

Bir neçə Visa premial kartı olan müştərinin həmin kartlarla etdiyi ödənişlər yekunda cəmlənəcək. Beləliklə, müştərinin cəmlənmiş say qədər qazanma şansı olacaq. Hər müştəri yalnız bir dəfə qalib ola bilər. Qaliblər səyahət vaxtını özləri seçə bilərlər. Lotereyanın keçirildiyi gündən başlayaraq 1 il ərzində hədiyyə paketlərindən istifadə etmək olar. 

 

ABB əməkdaşları və onların yaxın qohumları lotereyada iştirak etmir. Lotereya şərtləri barədə daha ətraflı məlumatı buradan almaq olar. ABB-nin Visa premial kartlarını buradan onlayn sifariş vermək mümkündür.