Dünyada COVID-19-a yoluxma halları 28 gündə 63% artıb - ÜST
25.08.2023 20:12
İyulun 24-dən avqustun 20-dək dünyada 1,47 milyondan çox insan koronavirus infeksiyasına yoluxub, iki mindən çox insan dünyasını dəyişib. Bu barədə Ümumdünya Səhiyyə Təşkilatından (ÜST) bildirilib.
Məlumata görə, əvvəlki 28 günlə müqayisədə yoluxma sayı 63% artıb, ölənlərin sayı isə 48% azalıb.
Ümumilikdə 103 dövlətdə koronavirus hadisəsi qeydə alınıb.
11 mart 2020-ci ildə Ümumdünya Səhiyyə Təşkilatı COVID-19 epidemiyasını pandemiya kimi xarakterizə edib.
Təşkilatın saytında dərc olunmuş 12 iyul 2023-cü il tarixə olan məlumata görə, dünyada 767 972 961 koronavirusa yoluxma faktı qeydə alınıb, 6 950 655 nəfər ölüb.
ÜST-ün baş direktoru Tedros Adhanom Gebreyesus mayın 5-də Cenevrədə keçirdiyi brifinqdə bildirib ki, ölənlərin həqiqi sayı ən azı 20 milyondur.
Aytac Zeynalova
www.anews.az
Oxşar xəbərlər
Oxşar xəbərlər
Foto 
Video 
