“Şahdəniz”yatağından hasil edilən qazın həcmi açıqlanıb

"Şahdəniz” yatağından hasilatın başlanğıcından indiyədək ümumilikdə 200 milyard kubmetr qaz əldə olunub. Bu barədə "Şahdəniz” yatağının operatoru olan "BP-Azerbaijan” şirkətindən məlumat verilib.

Bildirilib ki, 200 milyardıncı kubmetr qaz avqustun 26-da, yəni yataqdan ilk kommersiya qazının çıxarıldığını və Cənubi Qafqaz boru kəmərinin istismara verildiyini elan ediləndən 16 il yarım sonra əldə olunub.

 

2023-cü il avqustun 1-də "Azəri-Çıraq-Günəşli” (AÇG) və "Şahdəniz” yataqlarından 409 milyard kubmetr qaz hasil olunub.

 

Hesabat dövründə AÇG və "Şahdəniz”dən 620,3 milyon tona yaxın neft (kondensatla birlikdə) hasil edilib. AÇG-dən 577,5 milyon ton neft, "Şahdəniz”dən isə 42,8 mln. tona yaxın kondensat çıxarılıb.

2023 cü il avqustun 1 -dən 618,4 milyon tonu ixraca nəql edilib.
 
İyulun əvvəlində Azərbaycan Neft Fondunun (ARDNF) hesabatında 2023-cü ilin yanvar-iyununda AÇG və "Şahdəniz" yatağndan hasil edilən mənfəət nefti və qazın satışından əldə etdiyi gəlir 4,35 milyard dollar təşkil edib. 

ARDNF-nin Azərbaycanın AÇG yataqlar blokundan əldə etdiyi mənfəət neftinin satışından əldə etdiyi gəlir 3 milyard 328 milyon dollar (31,3% azalma) təşkil edib.

15 dekabr 2006-cı il tarixində baş vermiş ilk hasilat yatağın işlənməsinin 1-ci mərhələsinin başlanğıcı idi. O vaxtdan bəri "Şahdəniz” Mərhələ-1 qazı uğurla və etibarlı şəkildə Azərbaycan, Gürcüstan və Türkiyə bazarlarına çatdırılır.

"Şahdəniz” yatağının işlənməsinin növbəti mühüm mərhələsi 2018-ci ildən, yəni "Şahdəniz-2” layihəsindən Türkiyəyə ilk kommersiya qaz həcmləri nəqlinin başlandığı və iyulun sonunda "Şahdəniz Bravo” platformasından ilk qaz hasilatının əldə olunduğu ildən istismardadır.

 

"Şahdəniz” yatağının işlənməsi üzrə müqavilə 1996-cı il iyunun 4-də Bakıda imzalanıb və həmin il oktyabrın 17-də Milli Məclis tərəfindən ratifikasiya edilib. Tərəflərin müqavilədə iştirak payı hazırda aşağıdakı kimidir: bp (operator - 29,99%), LUKOIL (19,99%), TPAO (19%), NICO (10%) və Cenub Qaz Dehlizi QSC (21,02%)