Fransa TIR-ları Laçın yoluna doğru yola düşüb - Video

 

 

Siyasi ekspert Əziz Əlibəylinin sözlərinə görə, Fransa və Ermənistan çalışır ki, Azərbaycan Xankəndi məsələsindən əl çəksin. 

"Bu yardımın məqsədi Fransanın özünün maraqlarının arxasınca gəlməsi və Ermənistanın mövqeyni müdafiə etməsi ilə bağlıdır. Bir yandan da Azərbaycana güc nümayiş etdirmək istəyir ki, Qarabağ üzərində bir mövqe nümayiş etdirə və suverenliyini bərpa edə bilməsin. Dünyanın gözü qarşısında beynəlxalq hüququn prinsiplərini təhlükəsizlik şurasının daimi üzvü pozur. Məqsəd də budur ki, Azərbaycanı imtina etdirmək istəyirlər ki, Xankəndi məsələsindən əl çəksin”, - ekspert bildirib

 

Siyasi məsələlər üzrə ekspert Tural İsmayılovun fikrincə, Fransanın Qarabağdakı vətəndaşlara hansısa bir humanitar yardım göstərmək niyyəti yoxdur.

 

"Bu gün Qarabağ erməniləri Fransanın, Ermənistanın və heç bir xarici dövlətlərin vecinə deyil. Qarabağ ermənilərindən sadəcə olaraq, təzyiq və manipulyasiya vasitəsii kimi istifadə edirlər. Hesab edirəm ki,  Fransa Azərbaycan əleyhinə növbəti siyasi kompaniyalar həyata keçirmək və Ermənistanı regionda təhrikedici, qızışdırıcı bir dövlət kimi tanıtmaq üçün bu vasitələrdən istifadə edərək üzərimizə salmaq niyyətindədir. Əgər həqiqətən Qarabağ ermənilərinə humanitar yardım məqsədi daşısaydı, Azərbaycanın təqdim elədiyi Ağdam-Xankəndi yolundan istifadə edilərdi. Yaxud da Azərbaycana bununla bağlı hansısa bir irad bildirmək, eyni zamanda təzyiqlərə cəhd edilməzdi. Fransanın bu məqsədinin altında çirkin addımlar yatır. Azərbaycan bu dırnaq arası yardımı qəbul etməməlidir",- ekspert vurğulayıb.

 

Avqustun 29-da Bakıdan Qızıl Aypara Cəmiyyəti tərəfindən Qarabağda yaşayan erməniəsilli şəxslərin ehtiyaclarını qarşılamaq üçün humanitar yardım yola salınıb. Yardıma  40 ton un məmulatları olub.