Təhsil krediti almaq üçün müraciət edənlərin sayı açıqlanıb

Bildirilib ki, müraciət edənlərdən 1 712 nəfərə kredit verilib. Onlardan 523-ü sosial, 1 189-u isə standart təhsil kreditidir.

Müraciət edənlərdən 168-nə imtina verilib.

 

Təhsil tələbə krediti verilən zaman girov və zəmanət tələb olunmur.

2021- ci ildə tələbə təhsil kreditinə 3200 nəfər müraciət edib.
 
Təhsil tələbə kreditlərinin alınması üçün tələbə tədrisə tam cəlb olunaraq təhsil müəssisəsində əyani təhsil almalıdır. Təhsil tələbə krediti uzunmüddətlidir və təhsil müddətində tələbədən kredit geri tələb edilmir və faiz hesablanmır.
 
Sosial təhsil tələbə kreditindən yalnız sosial həssas təbəqəyə aid ailələrin üzvü olan tələbələr istifadə edə biləcəklər. Aşağıdakı tələblərə cavab verən tələbələr bu kreditdən yararlana bilərlər.

-Ünvanlı sosial yardım alan ailələrin üzvləri.

-3-cü dərəcə əlilliyi olanlar.

Hər iki valideyni aşağıdakı kateqoriyaların hər hansı birinə aid olanlar da bu kreditdən yararlana bilərlər.

-1-ci vəya 2-ci dərəcə əlilliyi olanlar.

-İşsiz kimi qeydiyyatda olanlar.

-Yaşa görə əmək pensiyası alanlar

-Yaşa görə sosial müavinət alanlar.

Sosial kredit almağa hüququ olmayan tələbələr Standart kreditdən yararlana bilərlər.

Bu kredit üçün girov və ya zaminlik tələb olunmur və bu kredit siğortalanır. Tələbə təhsil kreditini 20 il müddətində qaytara biləcək. Kredit üçün faiz az olacaq. Əlavə olaraq, yaxşı oxuyan tələbələrə güzəştlər olunacaq.Bu güzəşt həm faiz dərəcələri, həm də vəsaitin geri qaytarılmasına şamil olunur.
 
Təhsil-Tələbə krediti əcnəbi tələbələrə şamil olunmur. Məbləğ hər tədris ili üzrə ödənilir. Bank tərəfində birbaşa ali təhsil müəssəsinə ödənilir.
 
Təhsil krediti ilə ali təhsili bitirən tələbəyə kreditin geri qaytarılmasına başlamaq üçün 2 il güzəşt olunur. Yəni, tələbələr universiteti bitirdikdən 2 il sonra krediti qaytarmağa başlasalar, 10 il ərzində onu tamamilə geri qaytara bilərlər.

Kredit aldığı semestri əlaçı bitirən tələbə həmin məbləğin yarısını qaytarır. Yəni 8000 manat kredit götürübsə, ortalama balı 91-dən yuxarı olan tələbə 4000 kredit ödəmiş olacaq.