Hindistan Günəşə peyk göndərəcək

Agentlik bildirir ki, hind dilində günəş sözünün şərəfinə adlandırılan gəmi ölkənin Şriharikotadakı əsas kosmodromundan təxminən 1,5 milyon km məsafə qət edəcək PSLV daşıyıcı raketindən istifadə etməklə buraxılacaq.

Hindistan Kosmik Tədqiqatlar Təşkilatı (ISRO) əvvəllər Twitter olaraq tanınan X-də paylaşdığı yazıda Aditya-L1-in müşahidə nöqtəsinə getməsinin təxminən dörd ay çəkəcəyini bildirib. 

Bundan əvvəl, NASA və Avropa Kosmik Agentliyi daha əvvəl Günəşi öyrənmək üçün orbitə zondlar göndəriblər amma bu Hindistan üçün ilk belə missiyadır. 

Sanskrit dilində "ay gəmisi” mənasını verən pilotsuz "Chandrayaan-3” keçən həftə Ay səthinə enərək Hindistanı ABŞ, Rusiya və Çindən sonra Aya uğurla eniş edən dördüncü ölkə oldu.

2014-cü ildə Hindistan Marsın orbitinə gəmi çıxaran ilk Asiya ölkəsi oldu və gələn ilə qədər Yerin orbitinə üç günlük ekipaj missiyasını həyata keçirməyi planlaşdırır.

Hindistan həmçinin 2025-ci ilə qədər Aya daha bir zond göndərmək üçün Yaponiya ilə birgə missiya və növbəti iki il ərzində Veneraya orbital missiya göndərməyi planlaşdırır.

Rabia Hale Seferoğlu

www.anews.az