Bu il Bakı metrosu nə qədər sərnişin daşıyıb?- STATİSTİKA

2023-cü ilin  avqustunda metro 138 milyon 447 min 320 sərnişin daşıyıb. Bu, 2019-cu ilin eyni dövrü ilə müqayisədə 7,9 % az, 2022-ci ilin həmin dövrünə nisbətən isə 7,85 % çoxdur. Bu barədə "Bakı Metropoliteni" QSC-dən bildirilib.

 

Bildirilir ki, bu ilin avqustunda Bakı metropolitenindən 14 milyon 292 min 400 nəfər sərnişin istifadə edib.

 

 

Ən çox sərnişin avqustun 31-də (535 min 233), ən az isə ayın 13-də (297 min 668) daşınıb.

Koronavirus (COVID-19) pandemiyası elan edilənə qədər olan sonuncu ilin - 2019-cu ilin avqust ayı ilə müqayisədə 10,4 % az, həmçinin ötən - 2022-ci ilin eyni ayına nəzərən 1,3 % çox sərnişin metrodan istifadə edib.

 

2022-ci ildə Bakmetropolitenin sərnişindaşımadan əldə etdiyi gəlir 60 milyon 749,9 min manat (artım 2,3 dəfə) təşkil edib. Ötən il metro nəqliyyatı ilə 208 milyon 696,1 min nəfər (artım 2,3 dəfə) daşınıb.

Bakı Metropoliteni 1967-ci ildən fəaliyyət göstərir. Bakı Metropoliteni 1967-ci ildən fəaliyyət göstərir. Hazırda Bakı Metropoliteni üç xətt (yaşıl, qırmızı və bənövşəyi) və 26 istismar stansiyasından ibarətdir.