"Bakı Fond Birjası"nın dövriyyəsi artıb
07.09.2023 15:17
2023-cü ilin səkkiz ayında "Bakı Fond Birjası" QSC-də (BFB) bütün maliyyə alətləri üzrə bağlanmış əqdlərin ümumi dəyəri 12 milyard 929,432 milyon manat olub, bu rəqəm ötən ilin eyni dövründən 49,7 % çoxdur. Bu barədə "Bakı Fond Birjası" QSC məlumat yayıb.
Bildirilir ki, son 1 ildə bağlanmış əqdlərin sayı isə 42,7 % artaraq 7 898 olub.
BFB-nin dövriyyəsinin 39,9 %-i, yaxud 5 milyard 155,747 milyon manatı dövlət qiymətli kağızlarının payına düşüb. Bu, illik müqayisədə 8,9 % çoxdur.
Hesabat dövründə korporativ qiymətli kağızlar bazarı üzrə əqdlərin dəyəri 44,9 % artaraq 899,638 milyon manat, repo əməliyyatları üzrə əqdlərin dəyəri isə 2,1 dəfə artaraq 6 milyard 874,046 milyon manat olub.
2022-ci ildə "Bakı Fond Birjası" QSC-də (BFB) səhm və istiqrazlarla bağlı 45 yerləşdirmə olub.
Ötən iltən il BFB-də bütün maliyyə alətləri üzrə bağlanmış əqdlərin ümumi dəyəri əvvəlki ilə nisbətən 2,3 % az - 14 milyard 947,985 milyon manat təşkil edib. İl ərzində bağlanmış əqdlərin sayı isə 11,2 % azalaraq 10 501 olub.
Aytac Zeynalova
www.anews.az
Son xəbərlər 
Daha çox
Foto 
Video 
