Aİ avqustda qaz istehlakını son 10 ayda ilk dəfə artırıb

2023-cü ilin avqustda Avropa İttifaqı (Aİ) ölkələrinin qaz istehlakı illik müqayisədə 6,5% artaraq 17,5 milyard kubmetrə çatıb. Qaz İxrac Edən Ölkələr Forumunun (GECF) hesabatına görə, eyni zamanda, keçən ay Aİ-yə boru kəməri qazı idxalı 13% azalıb, iyulda Çinin qaz istehlakı isə 12% artıb.

Yanvar-avqustda Aİ-də qaz istehlakı 2022-ci ilin eyni dövrü ilə müqayisədə 9,5% azalaraq 214 milyard kubmetr təşkil edib. 

"2023-cü ilin avqustunda, ardıcıl 10 aylıq azalmadan sonra, Aİ-nin qaz istehlakı illik müqayisədə 6,5% artaraq, ümumilikdə 17,5 milyard kubmetrə çatıb. Bu artım əsasən Almaniyanın sənaye sektorlarında və İspaniyada canlanma ilə bağlı olub. Bundan əlavə, ay ərzində qaz qiymətləri aşağı düşdü, bir sıra Aİ ölkələrində sənaye tələbatı əvvəlki illərdəki səviyyəyə qayıdıb.Qeyd edək ki, 2022-ci ilin avqustu qiymətlərin bütün zamanların ən yüksək həddə çatdığı və Avropada sənayenin 70%-lə dayanmasına səbəb olan ay idi. Bu müddət ərzində Avropada gübrə istehsalı dayandırılıb”, - deyə hesabatda bildirilir

2023-cü ilin birinci yarısında Azərbaycandan Avropaya qaz ixracı 8,9% artıb. 


Hesabat dövründə Azərbaycandan Aİ ölkələrinə idxal olunan qazın dəyəri 3,512 milyard avro təşkil edir (illik 37,9% azalma).
 
2022-ci ildə Azərbaycan qaz ixracını 18%, yəni  22,3 milyard kubmetrədək artırıb, Avropaya tədarük 11,4 milyard kubmetr (+39%) təşkil edib.


2023-cü ildə Azərbaycandan 24,5 milyard kubmetr qaz ixracı planlaşdırılır ki, bunun da təxminən 12 milyard kubmetri Avropayadır.


Hazırda Avropada Azərbaycan qazının alıcıları İtaliya, Yunanıstan, Bolqarıstan və Rumıniyadır.
 
Gülnar
www.anews.az