Bu ölkələr Ukrayna taxılına dair AK-nın platformasında iştirakdan imtina edib
19.09.2023 10:15
Avropa Komissiyasının (AK) taxıl tədarükü məsələləri üzrə koordinasiya platformasında Polşa, Slovakiya və Macarıstan iştirak etməyəcəklər. Bu barədə Rusiya mətbuatında məlumat yayılıb.
Məlumata görə, bu qərarın əsas səbəbi həmin ölkələrin hökumətləri Kiyevdən gələn təhdidlərə görə bu qərarı veriblər.
Xüsusilə, söhbət Ukrayna hakimiyyətinin qonşu dövlətlərin taxıl embarqosunun müddətinin uzadılması ilə bağlı Ümumdünya Ticarət Təşkilatına (ÜTT) müraciət etmək niyyətindən gedir.
"Polşa, Macarıstan və Slovakiya ehtiyatlı davranaraq platformadan çıxırlar”, - materialda vurğulanıb.
Bu ilin sentyabrın 15-də Avropa Komissiyası Ukraynanın kənd təsərrüfatı məhsullarının regional birlik ölkələrinə ixracına qoyulan qadağanı aradan qaldırmaq barədə qərar qəbul edib.
May da Aİ ayrı-ayrı ölkələrin birtərəfli hərəkətlərinin qarşısını almaq üçün Ukraynadan qonşu ölkələrə idxala qadağa qoyub. Aİ-nin qadağasına əsasən, Ukraynaya məhsulların başqa ölkələrdə satılması şərti ilə bu ölkələr vasitəsilə ixracına icazə verilib.
Bundan əvvəl Avropa Komissiyası sentyabrın ortalarına qədər Ukrayna taxıl və yağlı bitkilərin idxalına embarqo qoyub. Beş ölkənin - Bolqarıstan, Macarıstan, Polşa, Rumıniya və Slovakiyanın birgə fəaliyyəti sayəsində Ukraynadan Aİ-yə buğda, qarğıdalı, kolza və günəbaxan toxumlarının idxalı qadağan edilib. "İndi biz sərhədlərimizi və fermerlərimizi milli deyil, Aİ-nin birgə tədbirləri ilə qoruya bilərik. Lakin bu, sentyabrın 15-dək davam edəcək müvəqqəti vəziyyətdir", - Nağı Kənd Təsərrüfatı Nazirliyinin saytında bildirib.
Aytac Zeynalova
Aytac Zeynalova
www.anews.az
Oxşar xəbərlər
Oxşar xəbərlər
Foto 
Video 
