Gələn həftə Brüsseldə 4 tərəfli görüş gözlənilir
25.09.2023 16:43
Gələn həftə Brüsseldə Azərbaycan, Ermənistan, Almaniya və Fransa nümayəndələrinin görüşü gözlənilir. Bu barədə Avropa İttifaqının yüksək səviyyəli rəsmisi Tacc agentliyinə deyib.
Oktyabrın 5-də Qranadada Avropa Siyasi Birliyinin üçüncü sammiti keçiriləcək. Qarabağdakı son hadisələrdən əvvəl Ermənistan, Azərbaycan, Fransa və Almaniya liderlərinin münaqişənin həlli üçün sammit çərçivəsində görüş keçirəcəyi güman edilirdi.
Sentyabrın 19-da Azərbaycan Qarabağda lokal xarakterli antiterror əməliyyatlara başladığını elan edib. Sentyabrın 20-də Azərbaycan Müdafiə Nazirliyi Rusiyanın sülhməramlı kontingentinin iştirakı ilə Qarabağda antiterror tədbirlərinin dayandırılması ilə bağlı razılığın əldə olunduğunu açıqlayıb. Sentyabrın 21-də Azərbaycanın Yevlax şəhərində Bakının nümayəndələri ilə Qarabağın erməni əhalisi arasında "reinteqrasiya məsələlərini müzakirə etmək” üçün görüş keçirilib.
Bu gün də Qarabağ icmasının nümayəndələri ilə Xocalıda görüş olub. Görüşün təfərrüatları hələlik açıqlanmır.
Gülnar
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
