Bu il ən çox qaz Türkiyəyə ixrac olunub - Nazir

 

O bildirib ki, ilin sonuna kimi bu rəqəm 10,2 milyard kubmetr olacaq.  

"İndiyədək TANAP qaz kəməri ilə Türkiyəyə 24 milyard kubmetr qaz verilib. Bu ilin əvvəlindən Türkiyəyə ümumilikdə 7,4 milyard kubmetr qaz verilib ki, bunun da 4,2 milyard kubmetri TANAP vasitəsilə verilir. Bu ilin sonuna qədər Azərbaycan qazının Türkiyəyə ixracının ümumi həcmi 10,2 milyard kubmetrə çatacaq”, - Şahbazov cümə günü Naxçıvanda keçirilən III Azərbaycan-Türkiyə Enerji Forumu və "Naxçıvan - Yaşıl Enerji Zonası” beynəlxalq konfransında bildirib.

 

Dövlət Gömrük Komitəsinin son açıqlamasına görə, Azərbaycan bu il ən çox Türkiyəyə qaz ixrac edib. Belə ki, ixrac olunan qazın 42,1% Türkiyənin, 35,8% isə İtaliyanın payına düşüb.  

 
2023-cü ilin səkkiz ayında "Şahdəniz” yatağından Azərbaycan qazının ixracı 14 milyard 589,9 milyon kubmetr təşkil edib ki, bu da 2022-ci ilin 8 ayının göstəricisindən 8,4% çoxdur.
 
Sentyabrın 12-də energetika naziri Pərviz Şahbazov bildirib ki, 2023-cü ilin 8 ayında Azərbaycandan ixrac olunan qazın həcmi 7,6 milyard kubmetrə çatıb. 
 
Şahbazov bundan əvvəl, Bakı Enerji Forumunda çıxış edərək qeyd edib ki, Cənub Qaz Dəhlizinin (CQD) genişləndirilməsi və Həmrəylik Halqası layihəsinin həyata keçirilməsi nəticəsində Azərbaycan qazını alan ölkələrin sayı 6-dan 10-a yüksələcək.

Nazir vurğulayıb ki, hazırda Azərbaycan əlavə qaz həcmlərinin əldə edilməsi üzərində işləyir və bununla bağlı bir neçə mənbə nəzərdən keçirilir.

 

Əvvəllər xəbər verildiyi kimi, 2022-ci ildə Azərbaycan qaz ixracını 18% artıraraq 22,3 milyard kubmetrə, Avropaya tədarük isə 11,4 milyard kubmetrə (+39%) çatıb.

Azərbaycan Avropaya qaz nəqlinə 2020-ci il dekabrın 31-dən başlayıb. 2021-ci ildə tədarükün həcmi 8 milyard kubmetri ötübsə, 2023-cü ildə təqribən 12 milyard kubmetr təşkil edəcək. 2027-ci ilə qədər tədarüklərin həcmi ildə ən azı 20 milyard kubmetrə çatacaq.


Hazırda Avropada Azərbaycan qazını İtaliya, Yunanıstan, Bolqarıstan, Rumıniya alır. Bundan əlavə, 2023-cü ilin sonuna qədər Azərbaycan qazı tədarük edə bilər.
 
Gülnar Nazimqızı