Külək Avropada qazın qiymətini aşağı salır

 

"Qazprom”un sözçüsü Sergey Kupriyanovun sözlərinə görə , çərşənbə axşamı Avropada külək istehsalının payı istehsal olunan elektrik enerjisinin ümumi həcminin dörddə birinə yüksəlib.

 

 Ekspert qeyd edib ki, Almaniya və Danimarkada külək elektrik stansiyaları həmin gün tələb olunan elektrik enerjisinin 70%-dən çoxunu istehsal edib. 

 

Sinoptiklərin fikrincə, Avropada güclü küləklər həftənin sonuna qədər davam edəcək və bu, bərpa olunan mənbələrdən elektrik enerjisi istehsalının yüksək səviyyədə saxlanmasına kömək edəcək.

 

Eyni zamanda, Kupriyanov vurğulayıb ki, adətən əlverişsiz hava ilə müşayiət olunan soyuqlar külək enerjisinin artan payının təsirini qismən kompensasiya edir, çünki bu, yaşayış sektorunda qaza tələbatı artırır.

Bundan əlavə, "Qazprom”un nümayəndəsi bildirib ki, Ukrayna Rusiya qazının Avropaya tranzit üçün nəzərdə tutulan hissəsinin keçməsinə növbəti dəfə icazə verməkdən imtina edib. Çərşənbə günü Kiyev mümkün olan 74,6 milyon kubmetrdən yalnız 42,3 milyon kubmetrini alacaq.

Bunun fonunda oktyabrın 4-də Avropanın spot bazarında qazın qiyməti 9% azalaraq növbəti gün yanacağın tədarükü müqavilələri üzrə min kubmetr üçün 320 dollara düşüb.

 

 

Gülnar