İrəvan Ağsaqqallar Şurasının yeni meri seçilib

İrəvan Ağsaqqallar Şurasında "Mülki müqavilə” fraksiyasının irəli sürdüyü yeganə namizəd Tiqran Avinyan İrəvanın meri seçilib. Bu barədə Ermənistan mətbuatı məlumat verib

Ağsaqqallar Şurasının 32 üzvü "lehinə”, 5 nəfər "əleyhinə” səs verib. Müxalifətdən olan "Milli Tərəqqi” fraksiyası və "Ana Ermənistan” bloku səsvermədə iştirak etməyib, iclası boykot ediblər. 

Sentyabrın 24-də  Ermənistan paytaxtında İrəvan Ağsaqqallar Şurasına keçirilən seçkilərdə 475 seçki məntəqəsində səsvermə keçirilib. 

İrəvan Ağsaqqallar Şurası 65 üzvdən ibarətdir və meri 5 il müddətinə seçir.

Paytaxt Ağsaqqallar Şurasının hazırkı tərkibi 2018-ci il sentyabrın 23-də keçirilən seçkilərin yekunlarına görə seçilib. Sonra "Mənim addımım” bloku (buraya Ermənistanın baş nazirinin rəhbərlik etdiyi "Mülki müqavilə” partiyası daxildir) İrəvan Ağsaqqallar Şurasında 65 yerdən 57-ni alaraq qalib gəlib. Şura 2018-ci il oktyabrın 10-da fəaliyyətə başlayıb, səlahiyyət müddəti 2023-cü il oktyabrın 10-da başa çatır.
 
Gülnar Nazimqızı 

www.anews.az