Doqquz ayda istehlakçılara qaytarılan məbləğin həcmi açıqlanıb- RƏSMİ
11.10.2023 10:54
2023-cü ilin doqquz ayında Antiinhisar və İstehlak Bazarına Nəzarət Dövlət Xidməti tərəfindən təmin olunan müraciətlər nəticəsində 447.038 manat vəsait istehlakçılara geri qaytarılıb, 45.990 manat məbləğində dəymiş ziyan ödənilib. Bu barədə Antiinhisar və İstehlak Bazarına Nəzarət Dövlət Xidməti məlumat yayıb.
Bildirilir ki, vətəndaş müraciətlərinin araşdırılması zamanı təqdim olunan sübutlara əsasən 50 hüquqi, 14 fiziki şəxs barəsində inzibati xəta barədə protokol tərtib edilib.
Cari ilin yanvar-sentyabrinda istehlakçı hüquqlarının qorunması, təbii inhisarların fəaliyyəti və istehlak bazarına nəzarət sahəsində İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətində ümumilikdə 5082 vətəndaş müraciətinə baxılıb..
Ötən ilin müvafiq dövründə Dövlət Xidmətinə daxil olmuş 1881 müraciət təmin olunub, 271.422 manat vəsait istehlakçılara qaytarılıb, 17.763 manat dəyərində dəymiş ziyan ödənilib.
Ötən ildə antiinhisar və haqsız rəqabət halları üzrə ümumilikdə 60 iş qaldırılıb, 48 işə baxılması başa çatdırılıb. Nəticədə, təqribən 6,5 milyon manata yaxın maliyyə sanksiyası tətbiq edilib.
2022-ci ildə Azərbaycan Akkreditasiya Mərkəzi tərəfindən 111 qurum akkreditə edilib, 17 qurumun akkreditasiya sahəsi genişləndirilib. Ötən il ərzində sahibkarlıq subyektlərinə 61 mindən çox mənşə sertifikatı verilib.
İstehlakçıların elektrik, su, qaz, istilik təchizatı, telefon, internet, poçt rabitəsi, dəmiryolu, hava yolu nəqliyyatı və digər xidmətləri göstərən təbii inhisar subyektlərinin fəaliyyəti ilə bağlı müraciətləri də yuxarıda qeyd olunan göstəricilərə daxildir.
www.anews.az
Foto 
Video 
