Azərbaycan Qarabağda heç bir etnik təmizlə aparmır - Elnur Məmmədov
12.10.2023 21:59
Azərbaycan Qarabağda yaşayan ermənilərə qarşı etnik təmizləmə aparmır və bu haqda səsləndirilən ittihamları da rədd edir.
Bunu BMt-nin oktyabrın 12-də keçirilən iclasında Azərbaycanı təmsil edən Elnur Məmmədov deyib.
İclas irqi ayrı-seçkiliyin bütün formalarının ləğvi haqqında Beynəlxalq Konvensiyanın tələblərinin pozulması ilə bağlı Azərbaycana qarşı iddia çərçivəsində Ermənistan tərəfinin tələb etdiyi müvəqqəti tədbirlərə həsr olunub.
"Ermənistanın ittihamları Qarabağda baş verənlərin reallığını əks etdirmir, üstəlik, BMT-nin regiona səfər etmiş iki missiyasının müşahidə və nəticələrini əks etdirmir. Azərbaycan Qarabağın mülki əhalisinə qarşı etnik təmizləmə aparmır və etməyəcək” – o bildirib.
Məmmədov vurğulayıb ki Azərbaycan tərəfi onların hüquqlarını tam qoruyacaq.
Dinləmə zamanı Azərbaycan təmsilçisi hazırda Azərbaycanda 50 -dən çox etnik millətlərin yaşadığını xatırladıb.
BMT-nin oktyabrın 12-də keçirilən iclası Ermənistanın tələbi ilə baş tutub.
İclasda Ermənistan nümayəndəsi Yeqişe Kirakosyan Azərbaycanın Qarabağdan ermənilərin "köçürülməsi" üçün "şərait yaratdığını" açıqlayıb.
Fransanın xarici işlər naziri də oktyabrın 11-də mətbuata açıqlamasında bildirib ki, Azərbaycan Qarabağdan gedən ermənilərin köçünü planlaşdırıb və təşkil edib. Azərbaycan Xarici İşlər Nazirliyi bu açıqlamanı rədd edərək Azərbaycana qarşı təziq və təhdid kimi qiymətləndirib.
Gülnar Nazimqızı
www.anews.az
Foto 
Video 
