Sülhməramlılar formal olaraq 2025-ci ilə qədər Qarabağda qalacaqlar – Putin
15.10.2023 13:48
Rusiya sülhməramlıları rəsmi olaraq 2025-ci ilin noyabrına qədər Qarabağda qalmalıdırlar, bu məsələ danışıqlar zamanı həll olunacaq.
Bu barədə Rusiya Prezidenti Vladimir Putin oktyabrın 13-də Qırğızıstana səfərinin yekunlarına dair mətbuat konfransında deyib.
"Formal olaraq sülhməramlılarımız orada 2025-ci ilin noyabrına qədər qalacaqlar və biz, əlbəttə ki, tərəfdaşlarla dialoqda yaxın gələcəkdə nəyi və necə edəcəyimizi müəyyənləşdirib həll etməli olacağıq. Buna danışıqlar zamanı qərar verəcəyik”, - Putin bildirib.
"Qarabağın statusu nəhayət müəyyən edilmədi və Ermənistan Qarabağın Azərbaycanın bir hissəsi olduğunu tanıyanda məlum oldu ki, bizim sülhməramlılarımız, şübhəsiz ki, Azərbaycan Respublikasının ərazisindədirlər və təbii ki, indi də, düzünü desək, erməni əhalisinin köçü ilə bağlı çətin hadisələrdən sonra vəziyyət tamamilə dəyişdi”.
www.anews.az
Foto 
Video 
