İsveç Türkiyədən Stokholmun NATO-ya müraciətinin ratifikasiyasını gözləyir
21.10.2023 15:29
İsveç hökuməti Türkiyənin Stokholmun NATO-ya üzv olmaq istəyinin ratifikasiyasının tezliklə başlamasını və krallığın bir neçə həftə ərzində alyansa qoşulmasını gözləyir.
Bu barədə "Expressen” qəzeti Nazirlər Kabinetindəki mənbəyə istinadən yazır.
Noyabrın sonunda NATO-nun Brüsseldəki mənzil-qərargahında İsveç bayrağının qaldırılacağını əlavə edən mənbə, "Türkiyənin İsveçin müraciətini ratifikasiyasının tezliklə başlayacağını və bir neçə həftə ərzində hazır olacağını gözləyirik”, - deyib. "Başqa cür düşünməyə heç bir əsasımız yoxdur”, - mənbə bildirib.
Digər tərəfdən, hökumət ofisinin məlumatına görə, NATO-nun baş katibi Yens Stoltenberq oktyabrın 24-də baş nazir Ulf Kristersson, həmçinin xarici işlər naziri Tobias Billström və müdafiə naziri Pol Consonla danışıqlar aparmaq üçün Stokholma gələcək.
Krallığın NATO-ya müraciətini təsdiqləmək üçün Türkiyə, xüsusən də, bu ölkənin hakimiyyət orqanlarından terrorizmlə mübarizə haqqında yenilənmiş qanunu praktiki olaraq həyata keçirməyi və bu cür hadisələrin qarşısını effektiv şəkildə almağı tələb edir.
www.anews.az
Oxşar xəbərlər
Oxşar xəbərlər
Foto 
Video 
