Avropa İttifaqı pasportlarda viza möhürlərindən imtina edəcək

Avropa İttifaqı birlik ölkələrinin sərhədlərində pasportlara viza möhürlərinin vurulmasının rəqəmsal yoxlamalarla əvəzlənəcəyi yeni təftiş sistemini tətbiq etmək qərarına gəlib. Aİ nümayəndələri Lüksemburqda keçirilən Daxili İşlər Şurasının iclasında yeni sistemlə bağlı konsensusa gəliblər.

Bu barədə "Dutch News” məlumat yayıb.

EES giriş və çıxış sistemi 2024-cü ilin ikinci yarısında fəaliyyətə başlayacaq. Onun fəaliyyəti üçün Aİ sərhədində xüsusi özünəxidmət köşkləri yerləşdiriləcək. Şəxsi məlumatların, verilənlər bazasında barmaq izlərinin olub-olmadığını, habelə gəliş-gediş tarixi və yeri ilə bağlı məlumatları yoxlamaq üçün sistemdə vətəndaşlar pasportlarını özləri skan etməli olacaqlar.