Tehranda 3+3 formatında görüş başlayıb- YENİLƏNİB
23.10.2023 17:45
İranın paytaxtı Tehranda "3+3” formatında (Azərbaycan, Ermənistan, Gürcüstan, İran, Rusiya, Türkiyə) xarici işlər nazirlərinin görüş başlayıb.
Toplantıda Azərbaycanı xarici işlər naziri Ceyhun Bayramov təmsil edir.
******
Oktyabrıbn 23-də Azərbaycan xarici işlər naziri Ceyhun Bayramov İranın paytaxtı Tehranda "3+3” formatlı nazirlərin iclasında iştirak edəcək. Bu barədə nazirin sözçüsü Ayxan Hacızadə deyib.
İclasda siyasi, iqtisadi, təhlükəsizlik, nəqliyyat, enerji sahələrində regional əməkdaşlıq məsələləri müzakirə ediləcəyi gözlənilir.
"3+3” formatında danışıqlar bu regionun üç ölkəsinin və Cənubi Qafqazın ən yaxın qonşusu olan daha üç dövlətin nümayəndələrinin iştirakını nəzərdə tutur. Birinci qrupa Ermənistan , Azərbaycan və Gürcüstan daxildir . İkinci qrup Rusiya, Türkiyə və İrandan ibarətdir.
Gürcüstan görüşdə iştirak etməkdən imtina edib.
"3+3 formatlı görüş ilk dəfə 2021-ci il keçirilib.
Bu format ilk dəfə 2020-ci il Azərbaycan və Türkiyə prezidentləri tərəfindən irəli sürülüb və "3+3" kimi tanınıb. Rusiya və İran bu formatı dəstəkləyib və Ermənistan sonradan buna qoşulub. Gürcüstan isə bu təşəbbüsə qoşulmayacağını açıqlayıb.
Gülnar Nazimqızı
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
