Qəzza zolağında 400 yer vurulub
24.10.2023 11:05
Qəzza zolağında müxtəlif məhəllələrdə 400 yer vurulub. Bu barədə İsaril ordusu açıqlama yayıb.
Açıqlamada hücum hədəflərindən birinin məscid olduğu qeyd olunub.
Oktyabrın 18-də Qəzza Səhiyyə Nazirliyinin sözçüsü Əşrəf əl-Qudra Qəzza zolağında xəstəxanaya edilən hava zərbəsi nəticəsində 500 nəfərin öldüyünü açıqlayıb.
Qəzzada olan Fələstin Səhiyyə Nazirliyi, İsrailin Qəzzaya hücumları nəticəsində 2055-i uşaq və 1119-u qadın olmaqla 5087 nəfərin öldüyünü, 15273 nəfərin isə yaralandığını açıqlayıb.
"Hərbi əməliyyatların başlanmasından (7 oktyabr) bu günə kimi İordan çayının qərb sahilində keçirilən antiterror reydləri zamanı axtarışda olan 800-dən çox şəxs saxlanılıb, onlardan 500-ə yaxını HƏMAS-la əlaqəlidir”, - məlumatda bildirilir.
Oktyabrın 7-də HƏMAS İsrailə bir neçə min raket atıb və Əl-Əqsa Daşqını əməliyyatının başladığını elan edib.
Bunun fonunda İsrailin milli təhlükəsizlik naziri İtamar Ben-Qvir oktyabrın 7-də ölkədə fövqəladə vəziyyət elan edib.
İsrailin baş naziri Netanyahu ölkənin müharibə vəziyyətində olduğunu bəyan edib. İsrail ordusunun HƏMAS-a qarşı əməliyyatı "Dəmir qılınclar” adlandırıb.
Aygün Mirakif
www.anews.az
Oxşar xəbərlər
Oxşar xəbərlər
Foto 
Video 
