Azərbaycanda son bir ildə bank şöbələrinin sayı 2,1% artıb
24.10.2023 13:40
2023-cü ilin sentyabrında Azərbaycanda bank şöbələrinin sayı 491-ə çatıb ki, bu da ötən ilin eyni dövrü ilə müqayisədə 2,1% çoxdur. Bu barədə FED.az Mərkəzi Bankın hesabatı əsasında apardığı hesablamalara istinadən xəbər verir.
Bildirilib ki, bu artım aylıq 0,6% (3 yeni şöbə), illik isə 2,1% (10 yeni şöbə) çoxdur.
Bu rəqəm ötən ay 488, ötən ilin sentyabrında isə 481 olub.
2023-cü ilin 8 ayında Azərbaycanın bank sektorunda işləyənlərin sayı 714 nəfərə artıb. "Günay Bank" ASC-nin lisenziyasının ləğvi ilə əlaqədar olaraq mayda bank işçilərinin sayı 134 nəfər azalmışdı.
2023-cü il iyunun 30-a Azərbaycanın bank sisteminin cəmi aktivləri son 6 ayda 3,9% azalaraq 45 milyard 218,3 milyon manat təşkil edib. Bu barədə Azərbaycan Mərkəzi bankı məlumat yayıb.
Hazırda Azərbaycanda 23 bank, o cümlədən 9 xarici kapitallı bank fəaliyyət göstərmək üçün lisenziyaya malikdir.
Aytac
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
