Azərbaycanda banklar ötən ayın gəlirlərini açıqlayıb
24.10.2023 17:50
2023-cü ilin sentyabrında Azərbaycanda fəaliyyət göstərən banklar 302.9 milyon manat faiz gəliri əldə ediblər, bu da ötən ilin müvafiq dövrü ilə müqayisədə 25.8% və ya 62.1 milyon manat çoxdur. Bu barədə Azərbaycan Mərkəzi Bankı məlumat verib.
Ötən ilin sentyabrında banklar 240.8 milyon manat faiz gəliri əldə ediblər.
Hesabat dövründə bankların əməliyyat mənfəətləri 163.3 milyon manat, xalis mənfəətləri isə 108.7 milyon manat təşkil edib.
Azərbaycanın bank sektoru bu ilin yanvar-sentyabrında 832.9 milyon manat xalis mənfəət əldə edib.
Bu dövrdə bankların əməliyyat mənfəəti isə 25.6% artaraq 1 227.3 milyon manata bərabər olub.
2023-cü ilin 9 ayında banklar tərəfindən 214.7 mln. manat məbləğində mənfəət vergisi ödənilib.
Aytac Zeynalova
www.anews.az
Foto 
Video 
