"Abşeron” yatağından bu il çıxarılacaq qazın həcmi açıqlanıb

 

Məlumata görə, yataqdan bu il 707 milyon kubmetr qaz hasil olunacaq.

Xəzər dənizinin Azərbaycan sektorunda, Bakıdan təxminən 100 kilometr cənub-şərqdə yerləşən "Abşeron” qaz-kondensat yatağından ilk qaz cari ilin iyulun əvvəlində hasil edilib.
 
"Abşeron" yatağl 2001-ci ildə Abşeron X-2 kəşfiyyat quyusu ilə kəşf olunub.

Yatağın işlənməsinin I mərhələsində ildə 1,5 milyard kubmetr qaz, 700 min ton kondensat hasilat əldə edilib.
 
"Abşeron" yatağından 2022-2023-cu illərdə isə illik hasilatın ən azı 4 milyard kubmetrə qədər artacağı gözlənilir.
 
Yatağın ilkin qaz ehtiyatları 1 trilyon kub metr, kondensat ehtiyatları isə 945 milyon barel və ya 150 milyon ton təşkil edir. Abşeron layihəsində pay bölgüsü aşağıdakı qaydada bölünüb. Total (operator, 40%), ARDNŞ (40%) və Engie (20%). SOCAR-ın qiymətləndirmələrinə görə, yatağın potensial ehtiyatları 350 milyard kubmetr qaz və 45 milyon ton kondensat təşkil edir.