Dünyada 114 milyon insan köçkün düşüb - BMT
25.10.2023 19:45
Dünyada öz evlərini tərk etmək məcburiyyətində qalan insanların sayı 114 milyonu keçib.
Bu barədə BMT-nin Qaçqınlar üzrə Ali Komissarlığının bəyanatında bildirilib.
"Müharibə, təqib, zorakılıq və insan hüquqlarının pozulması nəticəsində dünya miqyasında didərgin düşmüş insanların sayı sentyabrın sonunda 114 milyonu keçib", - qeyd olunub.
BMT QAK bildirib ki, 2023-cü ilin birinci yarısında insanları məcburi köçkün durumuna salan əsas hərəkətverici qüvvələr Ukrayna, Sudan, Myanma və Konqo Demokratik Respublikasındakı münaqişələr olub, eyni zamanda, Əfqanıstanda uzun sürən humanitar böhran, Somalidə quraqlıq, daşqınlar da bu prosesdə rol oynayıb.
BMT-nin Qaçqınlar üzrə Ali Komissarlığının sözçüsü yeni rəqəmin agentliyin 1975-ci ildə məlumat toplamağa başlamasından bəri rekord olduğunu deyib. BMT QAK bildirib ki, evlərini tərk etməyə məcbur olan insanların yarısından çoxu heç vaxt beynəlxalq sərhədi keçmir.
www.anews.az
Oxşar xəbərlər
Oxşar xəbərlər
Foto 
Video 
