Ukraynada ölən uşaqların sayı açıqlanıb
26.10.2023 15:18
Rusiya Ukrayna müharibəsi nəticəsində ölən ukraynalı uşaqların sayı 509-a çatıb. Bu barədə Ukraynanın Baş Prokurorluğu məlumat verilib.
Bildirilib ki, ötən ilin fevralından başlayan Rusiyanın genişmiqyaslı silahlı təcavüzü nəticəsində bu günədək Ukraynada 509 uşaq ölüb, 1139-dan çox uşaq yaralanıb.
Məlumatda bildirilir ki, bu yekun deyil, aktiv hərbi əməliyyatların aparıldığı, Rusiya tərəfindən işğal edilmiş ərazilərdə məlumatların toplanması istiqamətində işlər davam etdirilir.
Ukraynadakı müharibə səbəbindən 5 milyondan çox uşaq təhsilini yarımçıq qoymaq məcburiyyətində qalıb. Valideynlər mümkün təhlükəni nəzərə alaraq, övladlarını məktəbə göndərməkdən çəkinir.
Ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb.
Aytac Zeynalova
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
