Azərbaycanda nağdsız ödənişlərin dövriyyəsi artıb
26.10.2023 15:37
Azərbaycanda ödəniş kartları ilə nağdsız ödənişlərin həcmi təqribən 54 faizə çatıb. Bunu Azərbaycan Fintex Assosiasiyasının (AzFina) sədri Ruslan Talıbov Fintex forumunda deyib.
"2023-cü ilin yanvar-avqustunda ölkəmizdə nağdsız ödənişlərin dövriyyəsi 56 milyard ABŞ dolları olub və bunun təqribən 90 faizi debet kartlarının payına düşür. Bu sahədə qanun layihəsi noyabrın 9-da qüvvəyə minəcək və bundan sonra 6 ay ərzində bu sahədə şirkətlərin lisenziyalaşdırılması prosesi keçiriləcək",- sədr vurğulayıb.
Azərbaycanda banklar və "Azərpoçt” MMC sistemləri üzrə dövriyyədə olan ödəniş kartlarının sayı iyunun sonunda ötən aya nəzərən 299 min ədəd artaraq 15 milyon 40 min ədəd təşkil edib. Keçən ilin müvafiq dövrü ilə müqayisədə bu göstərici 18.8% artıb. Bu barədə Azərbaycan Mərkəzi Bankı məlumat verib.
Məlumata görə, ödəniş kartlarında artım debet kartları üzrə 17.7%, kredit kartları üzrə 26.3% təşkil edib. Ötən ilin müvafiq dövrünə nəzərən əməkhaqqı kartlarının sayı 107 min, kredit kartları 421 min, digər kartlar isə 1.7 milyon ədəd artıb.
Aytac Zeynalova
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
