Ermənistana qarşı Beynəlxalq Cinayət Məhkəməsində iddia qaldırılıb - Nazir müavini
30.10.2023 15:02
Rəsmi Bakı min səhifəlik subutlara əsaslanan sübutlarla İrəvana qarşı Beynəlxalq Cinayət Məhkəməsində iddia qaldırıb. Bunu xarici işlər nazirinin müvaini Elnur Məmmədov deyib.
"Azərbaycanın suveren ərazilərinin Ermənistan tərəfindən otuz ilə yaxın qanunsuz hərbi işğalı ilə bağlı sübutlar var. Söhbət insanlığa qarşı cinayətlərdən gedir. Azərbaycan xalqına qarşı törədilən bu cinayətlər sadəcə olaraq hansısa təsadüfi, xaotik şəraitdə törədilmiş qanunsuz əməllər deyil, həm də etnik ədavət və radikal millətçi ideoloji xətt üzərində qurulub”, - nazir müavini oktyabrın 30-da Azərbaycanlılara Qarşı Nifrət Cinayətləri və Nifrət Nitqi Hesabatının Təqdimatı konfrasında deyib.
Nazir müavini vurğulayıb ki, bu tip cinayətlərə bir neçə il ərzində baxılacaq.
Azərbaycanda İkinci Qarabağ Müharibəsi 2020-ci ilin sentyabrın 27-də başlayıb. 44 günlük davam edən müharibədə Azərbaycan Ordusunu bir sıra rayonları döyüş şəraitinda azad edib. 2020-ci ilin noyabrın 10-da Azərbaycan Rusiya və Ermənistan arasında hərbi əməliyyatların dayandırılması haqqında üçtərəfli bəyanat imzalayıb. Bəyanatın imzalanmasından sonra Ermənistanla Azərbaycan arasında dəfələrlə gərginlik vəziyyəti yaranıb. Qarabağda qalan erməni təxribatçıları Azərbaycan Ordusununa qarşı təxribatlar törədib.
2023-cü ilin sentyabrın 19-da Azərbaycan Qarabağda lokal antiterror əməliyyatları keçirilməsi barəsində qərar qəbul edib. Bir gün sonra Qarabağdakı separatçı rejim ağ bayraq qaldıdaraq təslim olub.
Rəsmi Bakı bəyan edib ki, silahı yerə qoyub təslim olan hərbçilər üçün Azərbaycan dəhliz yaradaraq onların Ermənistana keçməsi üçün şərait yaradacaq.
Qondarma rejim sentyabrın 26-da açıqlama verərək bildirib ki, yanvarın 1-dən sepratçı rejim ləğv olunur və Qarabağ əhalisinə reinteqrasiya olması üçün təklifləri təqdim edib.
Gülnar Nazimqızı
www.anews.az
Foto 
Video 
