Bal yarımarkasında nə qədər satış olub? - Açıqlama

Bu il Kənd Təşərrüfatı Nazirliyinin və Azərbaycan Arıçılar Assosiasiyasının birgə təşkilatçılığı ilə keçirilən yarımarda 62tondan çox bal satılıb. Bu barədə Nazirlikdən məlumat verilib. 

 

2022-ci il bal yarımarkasında satışa çıxarılan 120 ton baldan 90 tona yaxını satılıb. 

Bal sayca 23-ci Respublika bal yarımarkası olub. Yarımarka isə 2-22 oktyabr tarixlərində baş tutub. 

 

Hazırda hər arı ailəsinə görə arıçılara 10 manat subsidiya pulu verilir. 
 
Dövlət Statistika Komitəsinin 2023-ci ilin 4 aylıq statistikasına görə Azərbaycana 72.52 min dollar dəyərində 14.46 ton təbii bal idxal edilib. Bu göstərici 2022-ci ilin ilk 4 ayı ilə müqayisədə dəyər ifadəsində 3.6 dəfə və ya 186.36 min dollar, həcm ifadəsində isə 3.8 dəfə və ya 39.88 ton azalıb.Hesabat dövründə Türkiyədən 43.91 min dollar dəyərində 10.17 ton, İrandan 6 min dollar dəyərində 2 ton, Almaniyadan isə 17.71 dollar dəyərində 1.53 ton təbii bal idxal edilib.
 
2022-ci ildə Azərbaycanda 7 445,9 ton bal istehsal olunub. Bu, 2021-ci illə müqayisədə 9,45 % çoxdur. Ötən il bal istehsalı 32 933 təsərrüfatda mövcud olan 656,1 min arı ailəsinin hesabına olub.


Ötən il 22 min arı ailəsi azad edilmiş ərazilərə köçürülüb. Bu il isə 40 min arı ailəsi nəzərdə tutulub. Qarabağda gələcəkdə 300 min arı ailəsinin yerləşdirilməsi planlaşdırılır.


2022-ci ildə  Azərbaycandan xarici ölkələrə 19 min ABŞ dolları dəyərində 0,74 ton təbii bal ixrac edilib. Azərbaycan təyin olunmayan ölkəyə 16,24 min ABŞ dolları dəyərində 0,62 ton,  Qətərə 1,5 min ABŞ dolları dəyərində 0,06 ton, İraqa 0,44 min ABŞ dolları dəyərində 0,04 ton, Yaponiyaya 0,43 min ABŞ dolları dəyərində 0,02 ton və Belçikaya 0,02 min ABŞ dolları dəyərində 0,01 ton məhsul satıb.