2024-cü ildə subsidiyaların həcmi azalacaq
30.10.2023 17:08
2024-cü ildə dövlət büdcəsindən subsidiyalar üzrə 48 istiqamətdə 1045,5 milyon manat vəsaitin ayrılması proqnozlaşdırılıb ki, bu da 2023-cü ilin yenidən baxılmış göstəricisi ilə müqayisədə 636,3 milyon manat (37,8%) azdır. Bu barədə Hesablama Palatasının 2024-ci ilin dövlət büdcəsinin layihəsinə verdiyi rəydə bildirilib.
2023-cü illə müqayisədə növbəti ildə həm dövlət, həm qeyri-dövlət, həm də hüquqi şəxslərə digər subsidiyalar üzrə azalma proqozlaşdırılıb, mütləq və nisbi ifadədə ən böyük azalma dövlət müəssisələrinə subsidiyalar üzrə nəzərdə tutulub. Dövlət müəssisələrinə subsidiyaların əhəmiyyətli azalması nəticəsində bu istiqamətdə xərclərin cəmi subsidiyalarda payının azalaraq 41,2% təşkil edəcəyi, hüquqi şəxslərə digər subsidiyaların isə ən yüksək xüsusi çəkiyə sahib olacağı proqnozlaşdırılıb.
2019-cu ildə bitkiçilik sahəsinin subsidiyalaşdırılmasına 178 milyon manat ayrılmışdısa, 2020-ci ildə bu rəqəm 233 milyon manata, 2021-ci ildə isə 259 milyon manata yüksəlib. Subsidiya üçün ayrılan vəsait iki il içində 45 faiz artsa da, subsidiyalaşdırılan sahələrin həcmi cəmi 7 faiz artıb. Bu barədə Azadlıq radiosunun materialında bildirilib.
Aqrar Subsidiya Şurası prezidentin 2019-cu il 27 iyun tarixli 759 nömrəli Fərmanı ilə təsdiq edilmiş "Kənd təsərrüfatı məhsulları istehsalının subsidiyalaşdırılması Qaydası”nın 2.4-cü bəndinə müvafiq olaraq, 2023-ci il üzrə bitkiçilik sahəsində bitkilər və regionlara görə əkin, məhsul və toxum əmsallarının, toxum və ting kvotalarının və əkin ehtiyaclarının müəyyən edilməsi barədə qərar qəbul edib.
Qərara əsasən, baza məbləği 200 manat olmaqla 2023-cü ildə əkin əmsalları və əkin subsidiyasının məbləği kənd təsərrüfatı bitkiləri üçün verilir.
Aytac Zeynalova
www.anews.az
Son xəbərlər 
Daha çox
Foto 
Video 
