Mərkəzi Asiyada torpağın deqradasiyası ilə bağlı itkilər ildə 2 milyard dollar qiymətləndirilir
20.11.2023 17:11
Mərkəzi Asiya ölkələri torpağın deqradasiyası proseslərinə görə 2 milyard dollarlıq iqtisadi itkiyə məruz qalır. Bu barədə məlumat BMT-nin Səhralaşma ilə Mübarizə Konvensiyasının XXI sessiyasının yekun mətbuat konfransında bildirilib.
CRIC-in (BMT-nin Səhralaşmaya Qarşı Mübarizə Konvensiyasının İcrasına Nəzarət Komitəsi) sədri Biljana Kilibardanın vurğuladığı kimi, layihələrin dövlət tərəfindən maliyyələşdirilməsinin çatışmazlığı problemi yalnız onların həyata keçirilməsinə özəl biznesi cəlb etməklə həll edilə bilər.
Ekspertlər deqradasiyaya uğramış torpaqların bərpası istiqamətində görülən işlərin müsbət nümunəsi kimi Özbəkistanı göstəriblər. Son illər ölkə onların ümumi torpaq fondunda payını 30 faizdən 26 faizə endirməyə nail olub. Buna dövlət və beynəlxalq təşkilatlar tərəfindən dəstəklənən Aral dənizinin qurumuş dibinin yaşıllaşdırılması proqramı böyük töhfə verib. Ümumilikdə, Özbəkistan ərazisi Aralkum adlanan bu səhranın 3 milyon hektarını təşkil edir. 2 milyon hektar sahədə saksovul və digər iqlimə davamlı bitki plantasiyalarının yaradılması nəzərdə tutulur. 2022-2023-cü illərdə 663 min hektar sahədə saksovul toxumu səpilmişdir. Daha 40 min hektar sahədə saksovul tingləri əkilib. Təbii ki, bu bitkilərin və əkinlərin hamısı kök salmır, amma buna baxmayaraq, iş öz bəhrəsini verir. Onun məqsədlərindən biri də Aralkum üzərində toz və qum fırtınalarının əmələ gəlməsini azaltmaqdır.
Aytac
www.anews.az
Foto 
Video 
