Yaponiyada ömür uzunluğuna görə dünyada 1-ci yerdədir
29.12.2023 16:42
Ölkə dünyada gözlənilən ömür uzunluğuna görə birinci yerdədir. Bu barədə World Economic Forum yazıb.
"Ölkə ardıcıl olaraq dünyanın ən yaşlı əhalisinə sahibdir. Bu, Yaponiyanın iqtisadiyyatına, işçi qüvvəsinə və cəmiyyətinə dərin təsir göstərir, - məlumatda qeyd olunub.
Dünya İqtisadi Forumunun 2023-cü il üzrə İşlərin Gələcəyi Hesabatına görə, şirkətlərin yalnız 35%-i 55 yaşdan yuxarı işçilərə üstünlük verir.
Son milli məlumatlara əsasən, ölkə əhalisinin demək olar ki, üçdə biri təxminən 36,23 milyon nəfərin yaşı 65-dən yuxarıdır və 100 ad günü şamını üfürən hər zamankındən daha çox insan var.
Milli Əhali və Sosial Təminat Tədqiqatları İnstitutunun məlumatına görə, Yaponiyada 65 yaşdan yuxarı olanların 2040-cı ilə qədər əhalinin 34,8%-ni təşkil edəcəyi gözlənilir.
Ölkədə keçən il 800 000-dən az körpə doğulduğu təxmin edilir ki, bu, 19-cu əsrdə rekordlar başlayandan bəri ən aşağı rəqəmdir. 1970-ci illərdə bu rəqəm iki milyondan çox idi.
Yaponiya Daxili İşlər və Rabitə Nazirliyinin açıqladığı rəqəmlərdə 65 yaş və yuxarı olaraq təyin olunan yaşlı insanların nisbəti rekord səviyyədə olduğu qeyd olunub.
Sürətlə aşağı düşən doğum nisbəti və azalan işçi qüvvəsi ilə bağlı hesabatlar dərc edən nazirlik Yaponiya əhalisinin 1980-ci illərin iqtisadi bumundan bəri davamlı şəkildə azaldığını və onun doğum səviyyəsi 1,3 təşkil etdiyini qeyd edib.
"Bu göstərici immiqrasiyanın olmadığı bir şəraitdə sabit əhalini saxlamaq üçün tələb olunan 2,1-dən xeyli aşağıdır. On ildən artıqdır ki, Yaponiyada ölüm halları doğuşları üstələyir və bu, dünyanın üçüncü ən böyük iqtisadiyyatının liderləri üçün artan problem yaradır”, - hesabatda əks olunub.
Ölkə dünyada gözlənilən ömür uzunluğuna görə birinci yerdədir ki, bu da yaşlı əhalinin sürətlə artmasına səbəb olur.
Artan işçi çatışmazlığı ilə mübarizə aparmaq və durğunluqda olan iqtisadiyyatı canlandırmaq ümidi ilə Yaponiya hökuməti son on ildə daha çox yaşlı işçini yenidən işçi qüvvəsinə qoşulmağa təşviq edib.
Hazırda Yaponiyada rekord sayda – 9,12 milyona yaxın yaşlı işçi var və onların sayı 19 ildə ardıcıl olaraq artıb.
Yaponiya Daxili İşlər Nazirliyinin hesabatına görə, 65 və daha yuxarı yaşda olan işçilər hazırda milli işçi qüvvəsinin 13 faizindən çoxunu təşkil edir.
Hesabatda Yaponiyanın yaşlıların məşğulluq səviyyəsinin əsas iqtisadiyyatlar arasında ən yüksək olduğu bildirilib.
Aygün
www.anews.az
Oxşar xəbərlər
Oxşar xəbərlər
Foto 
Video 
