Ukraynaya son zərbələr nəticəsində ölən şəxslərin sayı açıqlanıb

 

Bildirilir ki, Rusiya Ukraynaya hava hücumu çərçivəsində 59 silahdan istifadə edib

"Bu səbəbsiz vəhşi hücumda ən azı 3 nəfər həlak olub, 33 nəfər yaralanıb. Rusiya törətdiyi cinayətlərə görə cavab verməli olan terrorçu dövlətdir", - paylaşımda qeyd olunub.

Ukrayna Silahlı Qüvvələrinin Ali Baş Komandanı Valeri Zalujnı "Telegram" hesabında paylaşımında bildirib ki, 8 hücum PUA-sı və 18 qanadlı raket məhv edilib.

 

Ümumilikdə isə Rusiya qüvvələri son sutkada Ukrayna ərazisində daha 440 hərbçisini itirib. Bu barədə Ukrayna Silahlı Qüvvələrinin Baş Qərargahı məlumat yayıb.
 
Bildirilib ki, bununla da Rusiya tərəfinin müharibə başlayandan bəri ümumi itkilərinin sayı 365 170 nəfərə çatıb.
 
Həmçinin son sutka ərzində Rusiyaya məxsus 9 tank, 14 zirehli döyüş maşını, 13 artilleriya sistemi Ukrayna ordusu tərəfindən sıradan çıxarılıb.
 
2022-ci ilin fevralın 24-də Rusiyanın Ukraynaya hücumu nəticəsində Ukrayna Rusiya müharibəsi başlayıb.