Parlament minimum əmək haqqını vergidən azad etməyi təklif edib
10.01.2024 16:51
Milli Məclis Azərbaycanda minimum əmək haqqının vergidən azad edilməsi ilə bağlı Vergilər Nazirliyinə təklif ünvanlayıb. Bu barədə millət vəkili Vüqar Bayramov məlumat verib.
"Minimum əmək
haqqının vergidən azad edilməsi ilə bağlı təklif vergi məcəlləsinin Milli Məclisin iclasında müzakirəsi zamanı təqdim olunub. Düşünürəm ki, bu istiqamətdə müzakirənin
aparılması və vergi məcəlləsinə yenidən baxılması minimum əmək haqqının vergidən
azad edilməsinə gətirib çıxara bilər. Milli Məclis bununla bağlı Vergilər Nazirliyinə təkliflərini göndərib", - Bayramov bildirib.
Hazırda Azərbaycanda minimal əmək haqqı 345 manat təşkil edir.
Vergilər Nazirliyinin mətbuat katibi Şahin Məmmədov hazırda minimal əmək haqqının 200 manatlıq hissəsi vergidən azaddır.
"Hazırda minimum əmək haqqının 200 manatlıq hissəsi vergidən azaddır. Onun artırılması və 345 manata çatdırılması çox güman ki, təklif edilib", - o bildirib.
Vüqar Bayramovun sözlərinə görə, inkişaf etmiş ölkələrdə minumim əmək
haqqının bütün hissəsi vergidən azad edilir. Bu addımın atılması həm minimum əmək haqqı alan, həm də orta əmək haqqı alan vətəndaşların gəlirlərinin artmasına gətirib çıxaracaq.
Nəzrin Abbaszadə
www.anews.az
Foto 
Video 
