Putin döyüşə hazırlıq əmri verdi

Ölkənin qərb və mərkəz hissələrində yerləşən ordu qüvvələrinin təcili döyüş hazırlığı vəziyyətinə gətirilməsini əmr edib

Rusiya prezidenti Vladimir Putin Ukrayna sərhədindəki ordu birləşmələrinə təlimat verib. ANS PRESS-in məlumatına görə V.Putin ölkənin qərb və mərkəz hissələrində yerləşən ordu qüvvələrinin təcili döyüş hazırlığı vəziyyətinə gətirilməsini əmr edib.

Rusiya müdafiə naziri Sergey Şoyqu mətbuata açıqlamasında bildirib ki, V.Putin ordunun müharibəyə hazır vəziyyətə gətirilməsi barədə əmr verib.

“Dövlət başçısının əmri ilə bu gün saat 14:00-dan etibarən Ukrayna sərhədində yerləşən quru və hava qüvvələri döyüş hazırlığı vəziyyətinə gətirilib”, - deyə Sergey Şoyqu bildirib.

Qeyd edək ki, V.Putin təkcə ötən il ordunun döyüş hazırlığı vəziyyətinə gətirilməsi barədə altı dəfə əmr vermişdi

ANS PRESS