Ukyarnalı xakkerlər Rusiyaya aid 10 milyon dollarlıq məlumatı məhv ediblər

Ukraynalı xakkerlər Rusiya Kosmik Hidrometeorologiya Mərkəzinə hücum edərək 10 milyon dollar dəyərində məlumatı məhv ediblər. Bu barədə İnforesist xəbər verib.
 
Bildirilib ki, BO Team qrupundan olan ukraynalı xakkerlər Uzaq Şərq Kosmik Hidrometeorologiya Araşdırma Mərkəzinin "Planet” məlumat bazasını məhv ediblər. 
 
Xakker hücumu nəticəsində ümumi şəbəkədə iştirak edən 280 serveri məhv etmək mümkün olub, məhv edilmiş məlumatların həcmi isə təxminən 2 petabayt (200 milyon GB) məlumat təşkil edib. 
 
Xakk edilmiş məlumatlara Rusiya Federasiyasının Müdafiə Nazirliyi və Fövqəladə Hallar Nazirliyi, "Roskosmos” və işğalçı ölkənin bir sıra digər idarələri tərəfindən daim fəal istifadə edilən məhv edilmiş meteoroloji və peyk məlumatları, ötən dövrdə hazırlanmış unikal tədqiqatlar aiddir.
 
Eyni zamanda xakker hücumu Uzaq Şərq Mərkəzinin təchiz olunduğu superkompüterlərin işini iflic edib, hazırda iş bərpa oluna bimir.
 
Bolşevik adasındakı Arktikada Rusiya Federasiyasının hərbi sahəsində mühüm vəzifələri yerinə yetirən rus stansiyası da şəbəkədən tamamilə kəsilib.

www.anews.az