İmran Xan və həyat yoldaşı 14 il müddətinə həbs olunub
31.01.2024 10:37
Pakistanın keçmiş baş naziri, müxalif Ədalət Hərəkatı (JM) partiyasının lideri İmran Xan və onun həyat yoldaşı Büşra Bibini 14 il müddətinə azadlıqdan məhrum edilib. Bu barədə Gazete.ru Dawn qəzetinə istinadən xəbər verib.
Xəbərə görə, cütlük korrupsiya ilə ittiham olunub.
Pakistan məhkəməsi həbs müddəti ilə yanaşı, onları 10 il müddətinə hər hansı dövlət vəzifəsində işləmək hüququndan məhrum edib.
Məhkəmə həmçinin hər bir şəxsi 787 milyon rupi (850 milyon rubldan çox) cərimələyib.
Bu, İmran Xanın iki gündə ikinci məhkumluğudur.
Belə ki, yanvarın 30-da İmran Xan və Pakistanın keçmiş xarici işlər naziri Şah Mahmud Qureşi dövlət sirrini açıqlamaq ittihamı ilə on il müddətinə azadlıqdan məhrum ediliblər.
Nəşrin məlumatına görə, məhkumlar "Rəsmi sirr haqqında” qanunu pozublar.
Məhkəmə müəyyən edib ki, onlar Pakistanın Vaşinqtondakı səfirliyi tərəfindən 2023-cü ilin martında yazılmış gizli diplomatik məktubun məzmununu ifşa ediblər.
Pakistan mediası İmran Xanın 2022-ci ilin aprelində baş nazir postundan uzaqlaşdırıldığını qeyd edib. O vaxtdan indiyədək ona qarşı 150-dən çox iş qeydə alınıb.
Bundan əvvəl Nyu-York məhkəməsi yazıçı Elizabeth Carrolla təzyiq və böhtana görə ABŞ-ın keçmiş prezidenti Donald Trampdan 83,3 milyon dollar təzminat ödəyib.
Aygün Mirakif
www.anews.az 
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
